en cussegl federal:

Tge candidats vegnan elegì tar las elecziuns en il cussegl federal 2011?

Participants: 436
Cumenzament dal martgà: 21.10.2011 12:00
Serrada dal martgà: 14.12.2011 21:41
Top trader: sokrates2

Elecziun cussegl federal 2011

Quest martgà è inactiv. Actualmain na pon vegnir fatgas naginas prognosas.

Elecziuns en il cussegl federal 2011

Dumonda dal martgà:
Tge candidats vegnan elegì tar las elecziuns en il cussegl federal 2011?

Aczias:
Las suandantas aczias pon vegnir martgadadas:

Cumenzament dal martgà:
21.10.2011 12:00

Serrada dal martgà:
14.12.2011 21:41

Valur da martgà:
0,00

Temp dal commerzi:
0,01 - 100,00

Chapital da partenza:
650.000,00 Ex e supplementar

Aczias
Tar l’avertura dal martgà pon las suandantas aczias persunalas vegnir martgadadas:
- Doris Leuthard, PC
- Eveline Widmer-Schlumpf, PBD
- Ueli Maurer, PPS
- Didier Burkhalter, PLD
Simonetta Sommaruga, PS
- Johann Schneider-Ammann, PLD
-
Autras persunas

Durant la durada dal martgà «elecziun dal cussegl federal» vegnan agiuntadas ulteriuras aczias persunalas.
Quai succeda tras il splitting da l'aczia «Autras persunas».

Remartga
Il martgà vegn puspè avert ils 14-12-2011, 18.00, en cas che l’elecziun vegniss spustada, perquai ch’ina da las persunas elegidas n’ha anc betg acceptà l’elecziun.

Cundiziuns dal martgà e particularitads
Mintga participant registrà e mintga participanta registrada obtegn per quest martgà 1'000’000 Ex sco dabun da partenza.
Per quest martgà vala il motto «Winner takes it all». Quai vul dir che per las set aczias che gudognan, damai per quellas da las cusseglieras e dals cussegliers federals elegids, vegnan pajads mintgamai 100 Ex, per tut las ulteriuras aczias 0 Ex. I vegnan damai repartids totalmain 7 x 100 Ex = 700 Ex.

Il Cussegl federal svizzer
La regenza svizra (executiva) sa cumpona da set commembers, che furman sco «autoritad colleghiala» il cussegl federal. Ils commembers da la regenza vegnan tschernids ils 14 da december a l’entschatta da la nova perioda da legislatura da l'assamblea federala separadamain ed entras scrutini. L’assamblea federala cumpiglia ils 200 deputads dal cussegl naziunal ed ils 46 commembers dal cussegl dals chantuns elegids ils 23 d’october. Il commember da la regenza confermà u elegì da nov di directamain suenter la proclamaziun dal resultat, schebain el accepta u refusa l’elecziun.

Remartga
Analog a la cumposiziun dal cussegl federal gudognan en quest martgà mo las aczias dals set cussegliers federals elegids. Per quellas vegnan pajads mintgamai 100 Ex.
La cifra 100 e la marscha commerziala tranter 0 e 100 Ex èn vegnidas tschernidas per ch’ins possia durant la durada dal martgà leger giu ina probabilitad cun agid dals singuls curs d’aczias, p.ex.: ils commerziants da la bursa d’elecziuns crain ch’il candidat A vegnia elegì en il cussegl federal cun ina probabilitad da X %.

Regla da pajament
Cun mintga aczia persunala ch’in participant ha a la fin dal martgà en ses portfolio, acquista el il dretg ad in pajament en l’autezza da 100 Ex, premess che l’assamblea federala haja elegì la persuna reala e che quella haja acceptà l'elecziun.

Agiuntar aczias («splitting»)
Agiuntar in’aczia pon ins cun divider («splitting») l’aczia «Autras persunas». Quai succeda adina, cura ch’in candidat vegn nominà d’ina partida uffizialmain per l’elecziun en il cussegl federal.

Remartga
Per motivs tecnics sa resalva l'administratur il dretg da betg attribuir a mintga persuna nominada in'aczia persunala.

Retrair aczias
In’aczia vegn retratga immediat dal martgà, sch’in candidat di ch'el na veglia betg candidar u sch'el sto sa retrair per motivs giuridics resp. da sanadad. En quest mument vegn pajà per l'aczia 0 Ex.

Definiziun da l’aczia «Autras persunas»
L’aczia «Autras persunas» cumpiglia tut las persunas che candideschan per il cussegl federal, che n'èn però anc betg vegnidas nominadas uffizialmain.
Suenter l’elecziun cuntegna quest'aczia tut las persunas ch’èn vegnidas elegidas en il cussegl federal e na disponan betg d'ina atgna aczia persunala en il martgà.
L’aczia «Autras» è exclusa da la marscha commerziala da 0 a 100 Ex, valaivla per tut las aczias persunalas. Sia valur maximala munta a 700 Ex. Teoreticamain pudessan set persunas betg nominadas vegnir elegidas en il cussegl federal ils 14 da december. Perquai munta la valur maximala da questa aczia a 700 Ex.

Proceder tar il splitting da l’aczia «Autras persunas»
Tar il splitting da l’aczia «Autras persunas» vegn il martgà mintgamai interrut per curt temp (ca. ina minuta). En quai interval vegn la nova aczia persunala publitgada en il martgà e l’aczia «Autras persunas» vegn dividida. En general vegn procedì che mintga commerziant che tegna il mument dal splitting ina cumpart da l’aczia «Autras persunas» retschaiva supplementarmain las medems cumparts da la nova aczia persunala purtada en il martgà.

Regla extraordinaria
Decisiv per il pajament da las aczias è il mument dal pajament da la dividenda, la quala succeda pir suenter l’elecziun cumpletta dal cussegl federal. Il pajament succeda svelt, auter èsi sch'in u plirs elegids n’acceptan betg l’elecziun u sch’els pretendan in temp da ponderaziun. Sche l’elecziun vegn spustada, vegn era spustà il pajament enfin tar la decisiun. Sch'in u plirs cussegliers federals crodan nunspetgadamain or da l'uffizi en il temp tranter l’elecziun ed il pajament da la bursa, lura valan las valurs da bursa da lur aczias per l’aczia «Autras persunas».

Links

Elecziun da renovaziun totala dal cussegl federal [parlament.ch]

Elecziuns dal cussegl federal / Assamblea federala (lescha dal parlament) [admin.ch]

Il Cussegl federal svizzer [admin.ch] 

Co funcziuna quai?

Uschia pudais Vus contribuir cun Vossa savida als resultats da la bursa d'elecziuns - Dapli en il center d'infurmaziun

Chattà ina errur? Feedback?

P.pl. trametter per e-mail messadis d'errur e feedbacks a: support.srg@prokons.com

Infurmaziuns actualas